Альба- ремонтант бўлмаган қулупнай нави бўлиб, Италиянинг Чезена шаҳридаги New Fruits компаниясининг мутахассислари томонидан 2000 йилларда яратилган. Альба машҳур Альбион навининг авлоди ҳисобланади. Альба жуда эрта пишиб етиладиган нав сифатида Ўзбекистон шароитида апрель ойининг 2 ярмида пишиб етилади. Мевалари йирик 30-50 гр, тўғри формадаги коник шаклда бўлади. Мазкур қулупнай нави эрта пишадиган навлар ўртасида энг яхшиларидан ҳисобланиб, Италия, Россия, Украина, Белорусия ва Жанубий Қозоғистонда ҳам кўп етиштирилади. Альба - катта майдонларда етиштиришга мўлжалланган саноат нави саналади, узоқ масофага ташишга чидамли, ажойиб таъм ва бозоргирлиги билан ажралиб туради.