Kitob haqida qisqacha: Charli Gordon o‘zining aqlli emasligini biladi. Yoshi 32 da, novvoyxonada pol artuvchi bo‘lib ishlab, arzimagan pul topadi. Haftada 3 marta oqshom payti aqliy rivojlanishdan ortda qolgan kattalar uchun ochilgan markazda dars oladi. Ammo endi bularning bari o‘zgarish bo‘sag‘asida turibdi. Shifokorlar nozik bir tajriba o‘tkazmoqchi. Ular Charlining miyasini operatsiya qilmoqchi. Ular operatsiya va maxsus dori Charlining intellektini oshirishiga umid qiladi, chunki bu tajriba laboratoriya sichqonchasi Eljernon bilan o‘tkazilganda ijobiy natija berdi. Shu asnoda Charli har kuni nima his qilayotganini kundalikka yozib boradi. Bu uning miyasi va hayotida sodir bo‘lgan hayratlanarli o‘zgarishlar bitilgan ta'sirli qaydlarga aylanadi.
Bu asar dastlab hikoya tarzida nashr qilingan, ammo tez orada ko‘pchilikning olqishiga sazovor bo‘lgan.