Tanlov asosida ishga qabul qilamiz

“Suvo‘lchagichxizmati” AJning ” Korrupsiyaga qarshi kurashish komplayens nazorat xizmati boʻyicha inspektori vakant lavozimiga tanlov eʼlon qilinadi. Lavozim majburiyatlari:

tashkilotda korrupsiyaga qarshi kurashish bo‘yicha ichki siyosat amalga oshirilishi hamda ushbu sohadagi faoliyat muvofiqlashtirilishida bevosita ishtirok etish;

korrupsiya holatlarining oldini olishga qaratilgan samarali mexanizmlar hamda nazorat tizimi joriy etilishini ta’minlaydi;

korrupsiyaga qarshi kurashish vazifasini amalga oshiruvchi tuzilmalarning faoliyatini muvofiqlashtirish;

korrupsiya holatlarini barvaqt aniqlash va ularning oldini olish, ularga imkon beruvchi sabab va shart-sharoitlarni bartaraf etish;

davlat xizmatlarini ko‘rsatishda korrupsiyaviy omillarni bartaraf etish, maishiy korrupsiyaning oldini olish, shu jumladan, raqamlashtirish, byurokratiyani qisqartirish bo‘yicha takliflar ishlab chiqish;

idoraviy normativ-huquqiy hujjatlarni korrupsiyaga qarshi ekspertizadan o‘tkazish va yakunlari bo‘yicha aniqlangan korrupsiyaviy normalarni bekor qilish bo‘yicha taklif kiritish;

davlat xaridlarini amalga oshirishda manfaatlar to‘qnashuviga yo‘l qo‘ymaslik choralarini ko‘rish, davlat xaridlari bo‘yicha preventiv o‘rganishlarni amalga oshirish;

korrupsiyaga qarshi kurashish bo‘yicha amalga oshirilgan ishlar yuzasidan muntazam ravishda “O‘zsuvta’minot” AJga hisobot taqdim etib borish;

korrupsiyaga qarshi kurashish bo‘yicha faoliyatni amalga oshiruvchi hamda unda ishtirok etuvchi boshqa tashkilotlar bilan hamkorlikni olib borish;

tegishli soha va tarmoqda korrupsiyaviy xavf-xatarlar ro‘yxatini shakllantirish, ularni tizimli ravishda tahlil qilish va baholash, ularni bartaraf etishga qaratilgan chora-tadbirlar ishlab chiqib, tasdiqlanishini ta’minlash hamda ularning ijrosini tashkil etadi;

korrupsiyaga qarshi ichki nazoratni amalga oshirish va korrupsiyaviy xavf-xatarlarni aniqlash imkonini beruvchi situatsion markazlar faoliyatini yo‘lga qo‘yish va takomillashtirish bo‘yicha takliflar kiritish;

mehnat jamoasida korrupsiyaga nisbatan murosasiz munosabatni shakllantirish, manfaatlar to‘qnashuviga yo‘l qo‘ymaslik va odob-axloq qoidalariga rioya qilish bo‘yicha targ‘ibot va tashviqot ishlarini olib borish, shuningdek, qonunga nisbatan hurmat ruhini mustahkamlash va bu borada iste’molchilarning ijobiy fikrini shakllantirish choralarini ko‘rish;

korrupsiyaga qarshi kurashish bo‘yicha faoliyatni takomillashtirib borish choralarini ko‘rish, ijobiy tajribalarni ommalashtirish va joriy etish yuzasidan takliflar kiritish;

shaffoflikni ta’minlash, affillanganlik hamda manfaatlar to‘qnashuvi holatlarining oldini olishga qaratilgan korrupsiyaga qarshi nazorat tizimini amalga oshirish;

tashkilotda korrupsiya holatlari hamda ularning oldini olish yuzasidan belgilangan tartibda nazorat tadbirlari va tekshiruvlar o‘tkazilishini hamda qat’iy javobgarlik choralari ko‘rilishini tashkil etish;

faoliyatga tegishli boshqa masalalar.

Xodim tashkilotdagi mehnat faoliyatini faqat asosiy ish joyi bo‘yicha amalga oshiradi.

Xodimga mehnat munosabatlari amal qilishi davrida quyidagilar taqiqlanadi:

o‘rindoshlik asosida boshqa lavozimlarda yoki tashkilotlarda ishlash;

tadbirkorlik faoliyati bilan shug‘ullanish;

boshqa yuridik shaxslarning muassisi (ishtirokchisi) va/yoki aksiyadori bo‘lish.

Nomzodlarga talablar:

Majburiy talablar:

- yuridik, iqtisod, moliya, soliq va audit mutaxassisliklari boʻyicha oliy maʼlumot; (ilmiy unvon va ilmiy darajaga, magistr darajasiga ega bo‘lishi yuqoriroq baholanadi)

- moliya, soliq, komplayens-nazorat, audit va ichki nazorat, iqtisod, yurisprudensiya bilan bogʻliq sohalarda mutaxassis lavozimiga 3 yildan kam boʻlmagan ish tajribasi;

- kompyuterda ishlashni mukammal bilish (Microsoft Office, Excel, Word); (Data science va Big Data tahlili sohalari bo‘yicha sertifikatlarga egalik yuqoriroq baholanadi)

- maʼlumotlarni, moliyaviy hisobotlarni tahlil qilish, mustaqil fikrlash, gʻoyaviy ijodkorlik, jamoa bilan va oʻz ustida muntazam ishlash koʻnikmalariga ega boʻlish;

- faoliyat boʻyicha Respublika bo‘ylab xizmat safarlariga tayyor boʻlish;

- sudlanmaganlik va jinoiy javobgarlikka tortilmaganlik;

Qo‘shimcha ixtiyoriy talablar:

- rus tili hamda boshqa xorijiy tillarni mukammal bilishi yuqori baholanadi;

-ISO 37001 va O‘zbekiston auditorlar palatasi tomonidan berilgan auditorlik sertifikatlariga ega bo‘lishi yuqoriroq baholanadi. 

Ish haqi kelishilgan holda belgilanadi. Ish haqidan tashqari, mukofotlar, qoʻshimcha toʻlovlar va ustamalar qoʻllaniladi. Amaldagi mehnat qonunchiligi va lavozim Nizomiga muvofiq ish olib boriladi.

Tanlov quyidagi bosqichlarda oʻtkaziladi:

1. Hujjatlar qabuli

2. Arizalar va hujjatlarni koʻrib chiqish va malaka talablariga muvofiqlikni dastlabki baholash;

3. Test sinovlarini oʻtkazish;

4. Komissiya tomonidan individual suhbat.

Tanlovda ishtirok etish uchun:

Tanlovda ishtirok etish uchun talabgorlar quyida berilgan link orqali onlayn anketa toʻldirishi va kerakli hujjatlarni (pasport, diplom va uning ilovalari, mehnat daftarchasi va boshqalar) yuklashi lozim:

Dastlabki malaka bosqichidan oʻtgan nomzodlar bilan test sinovlari oʻtkaziladi va 70 foizdan yuqori natijaga erishgan xodimlar bilan suhbat oʻtkaziladi.

Tanlovning biron bir bosqichidan o‘ta olmagan nomzod navbatdagi bosqichga qo‘yilmaydi. Nomzodlarning hech biri talablarga mos kelmagan taqdirda, ish beruvchi shartnoma tuzishni rad etish hamda qayta tanlov o‘tkazish huquqini o‘zida saqlab qoladi.

Anketalarni toʻldirish 2026-yil 27-sentabrgacha (mazkur kun hisobda) qadar qabul qilinadi.

Nomzodlar bilan yozishmalar faqat elektron shaklda elektron pochta yoki Telegram ijtimoiy tarmog‘i orqali amalga oshiriladi.