Уй ёрдамчиси (Оила учун)

Оиламизда уй хўжалигини юритиш ва шинамликни сақлаш учун саришта, тартибли ва ишончли ёрдамчи қидирмоқдамиз.

Биз тартиб-интизомни, ўзаро ҳурматни қадрлаймиз ва кундалик рўзғор ташвишларини ўз зиммасига олиб, оиламиз ва ишимиз учун вақтимизни бўшатиб берадиган инсонни қидирмоқдамиз. Бизга иш кунини мустақил равишда тўғри ташкил қила оладиган ва доимий назоратсиз ҳам вазифаларни сифатли бажарадиган профессионал ходим керак.

Асосий мажбуриятлар:

1. Таом тайёрлаш ва рўзғор:

1. Пазандалик: Оила учун кундалик мазали, ширин ва соғлом уй таомларини (пишириқлар, суюқ ва қуюқ таомлар) тайёрлаш.

2. Озиқ-овқат назорати: Озиқ-овқат ва маиший кимё воситаларини сотиб олиш (қатъий рўйхат бўйича ва чекларни тақдим этган ҳолда), маҳсулотларнинг янгилиги ва сифатини назорат қилиш.

3. Ошхона тозалиги: Муздатгич, плита ва ошхона жиҳозларининг идеал тозалигини сақлаш.

2. Тозалик ва тартибни сақлаш:

Тозалаш ишлари: Барча хоналар, ошхона ва ювиниш хоналарини мунтазам равишда қуруқ ва намли тозалаш (уборка). Мавсуммий ойналарни ювиш.

Юзаларни парвариш қилиш: Мебел, маиший техника, кўзгу ва шиша юзаларни мос келадиган воситалар ёрдамида эҳтиёткорлик билан тозалаш.

Маконни тартибга солиш: Шкафлардаги тартибни сақлаш, буюмларни ва кийимларни ўз жойларига қўйиш, чиқиндиларни олиб чиқиш.

3. Кир ювиш ва кийимларни парвариш қилиш:

Кийимлар ва чойшабларни мато турига қараб (ранги ва режимини саралаган ҳолда) кир машинасида ёки қўлда ювиш.

Кийим-кечак ва чойшабларни сифатли дазмоллаш, буғлаш, тартиб билан тахлаш ва гардеробга жойлаштириш.

Чойшаб ва сочиқларни ўз вақтида алмаштириш.

Номзодга қўйиладиган талаблар:

Оилаларда камида 1–2 йиллик иш тажрибаси (меҳмонхона бизнеси ёки клининг соҳасидаги тажриба устунлик беради).

Замонавий маиший кимё воситаларини ва турли материалларни (ёғоч, мармар, нозик матолар, тери) парвариш қилиш қоидаларини билиш.

Замонавий маиший техникалардан (робот-чангютгич, буғлагич, кийим қуритиш машинаси ва ҳ.г.) фойдаланишни билиш.

Шахсий фазилатлар: Ҳалоллик, саришталик, пунктуаллик (вақтга риоя қилиш), одоблилик, оиланинг шахсий чегаралари ва сир-асрорларини ҳурмат қилиш.

Аввалги иш жойларидан тавсияномалар мавжудлиги ва тиббий дафтарча тақдим этишга (ёки асосий таҳлиллардан ўтишга) тайёрлик.

Иш шароитлари:

Иш графиги: душанба-шанба соат 9:00 дан 18:00 гача

Иш жойи: Олмазор тумани

Синов муддати: Иш сифатини ва мулоқотдаги мосликни баҳолаш учун ҳақ тўланадиган синов муддати (7 кундан 14 кунгача) кўзда тутилган.

Иш ҳақи: Барқарор, кечикишларсиз берилади. Иш ҳақи миқдори суҳбат давомида график ва вазифалар ҳажмидан келиб чиққан ҳолда шахсий тартибда келишилади.