Lavozim tavsifi: Moddiy buxgalter

Lavozim tavsifi

Lavozim nomi: Moddiy buxgalter

Ish joyi: Qarshi shahri, Qashqadaryo viloyati

Lavozim haqida: Wosune International — quritilgan oziq-ovqat ingredientlarini yetkazib berishga ixtisoslashgan xalqaro kompaniya. Kompaniya AQShda tashkil etilgan bo‘lib, barqaror qishloq xo‘jaligini qo‘llab-quvvatlaydi va jahon bozoriga xavfsiz hamda sifatli mahsulotlar yetkazib beradi.

Hozirgi vaqtda Wosune International Qashqadaryo viloyati, Qarshi shahridagi Erkin iqtisodiy zona hududida yangi ishlab chiqarish zavodini barpo etmoqda.

Jamoamizga qo‘shilish uchun malakali Moddiy buxgalterni ishga taklif qilamiz.Ushbu lavozim moliyaviy va moddiy hisobni yuritish, moliyaviy hisobotlarni tayyorlash, byudjet ijrosini kuzatish, amaldagi qonunchilik va kompaniyaning ichki tartib-qoidalariga rioya etilishini ta’minlash, shuningdek, kundalik moliyaviy jarayonlar va naqd pul bilan bog‘liq amaliyotlarni yuritish uchun mas’ul bo‘ladi.

Asosiy vazifalar

• Moddiy hisob: Xomashyo, qadoqlash materiallari, ehtiyot qismlar, sarflanadigan materiallar va tayyor mahsulotlarning qabul qilinishi, omborlar o‘rtasida ko‘chirilishi, ishlab chiqarishga berilishi hamda qoldiqlarining hisobini yuritish va barcha moddiy harakatlarni buxgalteriya tizimida to‘g‘ri aks ettirish.

• Hujjatlar va operatsiyalar nazorati: Ombor va moddiy boyliklarga oid barcha hujjatlarni tekshirish, rasmiylashtirish va saqlash, barcha operatsiyalarning tegishli tarzda tasdiqlangan va hujjatlar bilan asoslanganligini ta’minlash.

• Ombor hisobi va nazorat: Buxgalteriya hisobi ma’lumotlarini ombordagi amaldagi qoldiqlar bilan muntazam solishtirish, inventarizatsiyalarda ishtirok etish hamda aniqlangan tafovutlarni tahlil qilish va bartaraf etish.

• Xarajatlar hisobi: Ishlab chiqarishda sarflangan materiallarni hisobga olish, hisobdan chiqarish operatsiyalarini rasmiylashtirish hamda mahsulot tannarxini to‘g‘ri shakllantirishga ko‘maklashish.

• Hisobotlar: Ombor va moddiy boyliklar harakati bo‘yicha hisobotlarni tayyorlash, oy va yil yakunlari bo‘yicha yopilish jarayonlarini qo‘llab-quvvatlash hamda ichki va tashqi audit uchun zarur ma’lumotlarni taqdim etish.

• Hamkorlik: Ta’minot, Ombor, Ishlab chiqarish va Moliya bo‘limlari bilan yaqin hamkorlik qilish hamda inventar nazorati va ichki jarayonlarni takomillashtirishda ishtirok etish.

• Naqd pul va moliyaviy operatsiyalar: Kundalik naqd pul va bank operatsiyalarini amalga oshirish, to‘lov hujjatlarini tayyorlash, tushum va to‘lovlarni rasmiylashtirish, kassa va bank hisobvaraqlarini solishtirish, moliyaviy hujjatlarni yuritish hamda barcha operatsiyalar kompaniya siyosati va amaldagi tartiblarga muvofiq amalga oshirilishini ta’minlash.

Talablar

• Moliya, buxgalteriya hisobi yoki tegishli yo‘nalish bo‘yicha bakalavr darajasiga ega bo‘lish.

• 1C dasturida ishlash bo‘yicha bilim va tajribaga ega bo‘lish.

• Buxgalteriya, moliya yoki tegishli sohada kamida 3 yillik ish tajribasi.

• Buxgalteriya yoki moliya sohasida professional sertifikatga ega bo‘lish.

• Ish haqi hisobi, soliqqa tortish va moliyaviy qonunchilikka rioya qilish bo‘yicha amaliy tajribaga ega bo‘lish.

• Xitoy yoki ingliz tilini bilish ustunlik hisoblanadi.

• Ishlab chiqarish korxonasi, ayniqsa oziq-ovqat ishlab chiqarish sohasida ishlagan bo‘lish afzal.

• O‘zbekiston Respublikasining Soliq kodeksi hamda Tovar-moddiy zaxiralar va Uzoq muddatli aktivlar bo‘yicha Milliy buxgalteriya hisobi standartlarini (MBHS) yaxshi bilish talab etiladi.

Biz taklif qilamiz

• Raqobatbardosh ish haqi: oyiga 9 000 000 – 15 000 000 so‘m (malaka va ish tajribasiga qarab).

• Kompaniya hisobidan ovqatlanish va Qarshi shahrida umumiy yashash joyi bilan ta’minlanadi.