Endokrinolog ishga olinadi | Требуется эндокринолог

1. Lavozim haqida umumiy ma’lumotlar.

1.1. Shtat ma’lumotlari:

a) lavozim nomi – Davolash bo‘limi ambulator davolash yo‘nalishi endokrinolog shifokori (bundan keyin matnda xodim);

b) bo‘lim – Davolash bo‘limi;

c) kimga bo‘ysunadi – Kompaniya rahbari, bo‘lim mudiri, bo‘lim ambulator davolash yo‘nalishi katta endokrinolog shifokori;

d) kimlar unga bo‘ysunadi – bo‘lim ambulator davolash yo‘nalishi feldsherlari, hamshira va laborantlari;

e) lavozim maqsadi – Kompaniyada endokrinologik xizmatlarni yuqori sifatda ko‘rsatish, endokrin tizim kasalliklarini erta aniqlash, davolash va profilaktika qilish hamda davolash samaradorligini oshirish.

1.2. Ish faoliyati:

a) ish joyi – Shartnomaga ko‘ra;

b) ish vaqti tartibi – Shartnomaga ko‘ra;

c) ish kiyimi – maxsus tibbiy kiyim.

1.3. Umumiy vazifalar:

a) mijozlarni qabul qilish va endokrinologik ko‘rikdan o‘tkazish;

b) endokrin tizim kasalliklariga tashxis qo‘yish;

c) qandli diabet, qalqonsimon bez, gipofiz, buyrak usti bezlari va boshqa endokrin kasalliklarni davolash;

d) davolash rejalarini ishlab chiqish va amalga oshirish;

e) davolashni amaldagi klinik protokollar asosida olib borish;

f) laboratoriya va instrumental tekshiruv natijalarini tahlil qilish;

g) zarur hollarda qo‘shimcha tekshiruvlarga yo‘naltirish;

h) insulinoterapiya va boshqa gormonal davolash usullarini belgilash hamda nazorat qilish;

i) mijozlarga ovqatlanish tartibi, sog‘lom turmush tarzi va kasallik profilaktikasi bo‘yicha tavsiyalar berish;

j) laboratoriya va diagnostika xodimlari bilan hamkorlik qilish;

k) tibbiy hujjatlarni to‘g‘ri yuritish;

l) mijozlar bilan professional va etik muloqot olib borish;

m) sanitariya va gigiyena talablariga rioya qilish;

n) davolash samaradorligini monitoring qilish;

o) xizmat sifatini oshirish bo‘yicha takliflar berish;

p) rahbariyat va bo‘lim mudiriga tibbiy faoliyat bo‘yicha hisobotlar taqdim etish.

1.4. Talab etilgan ma’lumot:

a) oliy tibbiy ma’lumot;

b) endokrinologiya yo‘nalishi bo‘yicha ordinatura yoki magistratura;

c) mutaxassislik bo‘yicha amaldagi sertifikat.

1.5. Ish tajribasi:

a) endokrinologiya yo‘nalishida kamida 1-3 yillik ish tajribasi;

b) ambulator yoki statsionar davolash tizimida ishlash tajribasi (afzal).

1.6. Bilimlar:

a) endokrinologiya asoslari;

b) qandli diabet va uning asoratlarini boshqarish;

c) qalqonsimon bez kasalliklarini tashxislash va davolash;

d) gormonal buzilishlarni aniqlash va davolash usullari;

e) klinik tashxis qo‘yish va davolash metodlari;

f) zamonaviy klinik protokollar;

g) farmakologiya asoslari;

h) sog‘liqni saqlash tizimidagi qonunchilik;

i) sanitariya-epidemiologiya talablari;

j) o‘zbek tilini mukammal bilishi (rus yoki ingliz tili afzal);

k) MS Office (Word, Excel), Google Drive va boshqa raqamli vositalarni bilish. ichki kasalliklar (kardiologiya) asoslari.

1.7. Ko‘nikmalar:

a) endokrinologik kasalliklarni tashxislash va davolash;

b) laborator va instrumental tekshiruv natijalarini tahlil qilish;

c) insulin terapiyasi va gormonal davolashni boshqarish;

d) tibbiy xulosalarni rasmiylashtirish;

e) mijozlar bilan samarali muloqot qilish;

f) muammoli holatlarni aniqlash va yo‘naltirish;

g) tezkor va asosli qaror qabul qilish;

h) jamoa bilan ishlash.

1.8. Shaxsiy sifatlar:

a) mas’uliyatlilik;

b) diqqatlilik;

c) halollik;

d) sabr-toqatlilik;

e) etik me’yorlarga rioya qilish;

f) stressga chidamlilik.

1.9. Lavozim imkoniyatlari:

a) raqobatbardosh ish haqi;

b) rasmiy mehnat faoliyati;

c) kasbiy rivojlanish imkoniyati;

d) zamonaviy tibbiy muhitda ishlash;

e) trening va malaka oshirish dasturlari;

f) qulay ish muhiti.