Amaliyotchi dizayner

Assalomu alaykum.

Men Media dizayn va Grafik dizayn yo‘nalishida tahsil olayotgan talaba sifatida amaliyot o‘tash imkoniyatini izlayapman. Hozirda o‘z bilim va ko‘nikmalarimni real loyihalarda sinab ko‘rish, tajriba orttirish va yangi narsalarni o‘rganishni istayman.

Oldingi yillarda oilaviy sabablar tufayli portfolio yaratishga yetarlicha vaqt ajrata olmaganman. Shu sababli hozir amaliyot orqali tajriba to‘plash va professional rivojlanishga katta qiziqish bildiraman.

Agar imkoniyat bo‘lsa, dastlab 1–2 oy davomida amaliyotchi sifatida ishlashga tayyorman. Bu davr mobaynida jamoangizdan o‘rganish, dizayn jarayonlarini chuqurroq tushunish va o‘z ustimda ishlash men uchun juda muhim.

Men mas’uliyatli, o‘rganishga qiziqadigan va berilgan vazifalarni sidqidildan bajarishga intiladigan insonman. Ish jarayonida yangi ko‘nikmalarni tez o‘zlashtirishga harakat qilaman.

Agar amaliyot davomida o‘zimni yaxshi tomondan ko‘rsata olsam, kelgusida jamoangiz bilan doimiy hamkorlik qilish imkoniyatidan mamnun bo‘lardim.

Vaqtingizni ajratib murojaatimni o‘qiganingiz uchun rahmat.