Ushbu kitob eston olimi Yulo Vooglayd tomonidan yozilgan bo‘lib, unda insoniyat oldida turgan muhim masalalar inson, hayot, yashash muhiti, jamiyat, madaniyat, mehnat, rahbarliq, hamkorlik... kabi mavzular asosida o‘ziga xos tarzda yoritiladi. Asar eston jamiyatiga yo‘naltirilgan bo‘lsa-da, unda Estoniya juda kam tilga olinadi va umumiy maʼnoda asarni butun post sovet jamiyatlari uchun yozilgan deyish mumkin. Ushbu qo‘llanmani - vatandoshga aylanishni istaydigan, vatandosh bo‘lib qoladigan va o‘zini vatandoshlardek tutadigan vatanparvar insonlar uchun yozilgan desak ayni haqiqat bo‘ladi.