Eʼlon raqami: KOFIH/UZB/TEN/2026/01
Sarlavha: KOFIH Oʻzbekiston ofisi uchun transport xizmatlarini koʻrsatuvchi kompaniya tanlovi
Joylashtirilgan sana: 2026 yil 8 yanvar
Ariza topshirish muddati: 2026 yil 15 yanvar soat 18:00 gacha (Toshkent vaqti)

1. TENDER HAQIDA UMUMIY MAʼLUMOT
Koreya xalqaro sogʻliqni saqlash jamgʻarmasi (KOFIH) Oʻzbekiston Ofisi ofis xodimlari va mehmonlarini tashish uchun transport xizmatlarini koʻrsatuvchi kompaniyani ochiq va raqobatli tender orqali tanlab olmoqchi.
Tender maqsadi: Ofisga sifatli, ishonchli va qulay transport xizmatlarini taklif qiluvchi kompaniya bilan hamkorlikni yoʻlga qoʻyish

2. TRANSPORT VOSITASI VA XIZMAT TALABLARI
2.1. Avtomobil talablari:
• Turi: Haydovchidan tashqari kamida 7 nafar yoʻlovchi sigʻadigan mikroavtobus yoki miniven.
• Namuna: Hyundai Staria (Starex) yoki shunga oʻxshash turdagi, qulay va zamonaviy avtomobillar.
• Holati: Texnik jihatdan mukammal, toza va yaxshi saqlangan boʻlishi shart.
2.2. Xizmat shartlari va kafolatlari:
Xizmat narxiga quyidagilar toʻliq kiritilishi kerak:
1. Professional haydovchi (ingliz tilida soʻzlashuvchi).
2. Avtomobilning barcha texnik xizmat koʻrsatish va taʼmirlash xarajatlari.
3. Toʻliq sugʻurta.
4. Yoʻl toʻlovlari (Oʻzbekiston boʻylab, Qoraqalpogʻistonni oʻz ichiga olgan holda).
5. Boshqa barcha qoʻshimcha xarajatlar (masalan, tozalash, yoqilg’i xarajatlari).
*Muhim: Xizmat narxidan tashqari hech qanday yashirin yoki qoʻshimcha toʻlov talab qilinmaydi.
2.3. Xizmat koʻrsatish vaqti va hududi:
• Asosiy ish vaqti: Dushanbadan jumagacha, soat 08:30–17:30 oraligʻida.
• Ishdan tashqari vaqt: Dam olish kunlari (shanba, yakshanba) va rasmiy bayramlarda transport xizmati kʻrsatilmaydi.
• Xizmat koʻrsatish hududi: Butun Oʻzbekiston boʻylab, shu jumladan Qoraqalpogʻiston Respublikasi hududi.
2.4. Qoʻshimcha kafolatlar:
• Agar avtomobil texnika nosozlik, avariya yoki boshqa sabablarga koʻra ishlamay qolsa, korxona 24 soat ichida muqobil, teng sifatli avtomobilni taqdim etishi shart.
• Barcha kelishilgan talablar yozma shartnomada mustahkamlanadi.

3. HAYDOVCHI TALABLARI
1. Til bilishi: Ingliz tilida erkin muloqot qila olishi (majburiy talab).
2. Ish tartibi: Ish vaqtida ofisda boʻlishi, zarurat tugʻilganda boshqa topshiriqlarga chiqishi mumkin, lekin ofis rahbarining oldindan ruxsatini olishi kerak.
3. Javobgarlik: Ofis tomonidan beriladigan avtomobil foydalanish jurnalini aniq va toʻliq yuritishi, uni boshqarishi lozim.

4. TAKLIF TOPSHIRISH TARTIBI
4.1. Talab qilinadigan hujjatlar (Toʻliq bo’lmagan takliflar rad etiladi):
Quyidagi hujjatlar bitta PDF fayl shaklida elektron pochta manziliga joʻnatilishi kerak:
1. Korxona guvohnomasi: Yuridik shaxs faoliyatini tasdiqlovchi hujjat.
2. Narx taklifi (Smeta): Yuqorida koʻrsatilgan barcha shartlar va talablar asosida tayyorlangan aniq xizmart narxi.
3. Haydovchi maʼlumoti: Ingliz tilini biladigan haydovchining CV yoki rezyumesi.
4. Avtomobil egaligi hujjati: Taklif qilinayotgan avtomobilga boʻlgan huquqni tasdiqlovchi hujjat.
4.2. Topshirish manzili:
Barcha takliflar faqat quyidagi manzilga joʻnatilishi kerak:
Elektron pochta: Olx qoidalariga muvofiq, elektron pochta manzillarini oshkor qilishni taqiqlangan, shaxsiy habardan elektron pochta yuvoramiz
Mavzu: KOFIH Transport Tender - [Kompaniya nomi]
4.3. Muddat:
Takliflar 2026 yil 15 yanvar, soat 18:00 gacha qabul qilinadi. Ushbu muddatdan keyin kelgan takliflar koʻrib chiqilmaydi.

5. TANLOV JARAYONI VA SHARTNOMA
1. Barcha takliflar maxfiy holda qabul qilinadi va baholanadi.
2. Tanlov narx, sifat, tajriba va taklifning talablarga mosligi asosida amalga oshiriladi.
3. Gʻolib deb topilgan kompaniya bilan batafsil Xizmat koʻrsatish shartnomasi imzolanadi. Shartnomada toʻlov shartlari, javobgarliklar va yuqoridagilardan tashqari barcha kelishuvlar belgilanadi.
4. Shartlarni oʻzgartirish (masalan, dam olish kunlari ishlash) faqat ikki tomonning yozma kelishuvi asosida amalga oshirilishi mumkin.

KOFIH Oʻzbekiston Ofisi global sogʻliqni saqlash sohasida masʼuliyatli rol oʻynovchi tashkilot sifatida, barcha hamkorlar bilan ochiq va halol munosabatlarga asoslangan ishlaydi.