Assalomu alaykum!

Men EdTech yo’nalishidagi “Mathme” loyihasi asoschisiman. Mening jamoam professional dasturchi, dizayner, tajribali matematika pedagogi va LaTex mutaxasissidan iborat.

“Mathme” bu o‘quvchilarga matematikani noldan boshlab o‘rganish, video darslar orqali bilim olish, testlar yechish va o‘zlashtirish darajasini kuzatish imkonini beruvchi mobil ta’lim platformasi. Hozirgi kunda platformamiz Appstore va Playmarket kabi marketplace larda mavjud.

Platformada 120 ta mavzu bo‘yicha ta’lim materiallari, mashqlar va testlar mavjud. Shuningdek, Milliy sertifikat imtihoniga va olimpiadalarga tayyorlanish uchun materiallar bilan ishlash imkoniyatlarini rivojlantirmoqdamiz.

Hozirda loyihani kengaytirish, dasturiy ta’minotni takomillashtirish, kontent bazasini rivojlantirish, foydalanuvchilar sonini oshirish, AI integratsiyasi, live darslarni qo’shish hamda marketingni kuchaytirish maqsadida 50 000–100 000$ miqdorida investitsiya jalb qilishni rejalashtiryapmiz.

Investitsiya yordamida bir yil ichida 10,000 tadan 20,000 tagacha jonli foydalanuvchilarni, 1000 tadan 5000 tagacha oylik va yillik obuna sotuvlarini rejalashtirayapmiz.

Investitsiya evaziga kompaniyaning 15-20% ulushini taklif etish imkoniyatini ko‘rib chiqishga tayyormiz.

Loyihamizni taqdim etish va investitsiya hamkorligi imkoniyatlarini muhokama qilish uchun uchrashuv tashkil etishingizni so‘raymiz.

Hurmat bilan,
“Mathme” loyihasi asoschisi Bobomurod Xamdamov!