Дарахт танасига яхши ёпишганлиги учун ёғингарчиликлар кўп бўлганда ҳам тез ювилиб кетмайди.
Таркибида мис купароси каби касаллик ва зараркунандаларга қарши курашиш воситалари мавжуд.
Ёш дарахтлани ҳам оқласа бўлади. Бўёқ уларнинг пўстига зарар етказмайди. Айниқса ундаги сувни ушлаб туриб, тез буғланиб кетишига йўл қўймайди, шу билан бирга дарахт ҳам нафас олиши учун ҳаво ўтказувчандир.
Оқлашдан мақсад кеч қиш ва эрта баҳорда дарахтлар танасига тушадиган қуёш нурларининг қиздиришидан ҳимоя қилишдир. Барвақт иссиқлик дарахтлар учун хавфлидир, дарахт тўқималари уйғонишни бошлаган совуққа бўлган бардошлигини йўқота бошлайди. Дарахт танасининг кучли қизиши уни куйдириши мумкин. Оқлашнинг билвосита касаллик ва зараркунандалардан ҳимоя қилиш эффекти мавжуд касаллик қўзғатувчилари, зараркунандалар ва баъзи бошқа паразитлар соғлом дарахтларда деярли қўним топмайдилар, аммо баҳорда шикастланган тўқималарга осонгина кириб оладилар. Айнан шу йўл билан бўёқ дарахтни касаллик ва зараркунандалардан асрайди.