O‘quv markazi “Inter Auto Business School” MChJ O‘zbekiston Respublikasi Oliy ta’lim, fan va innovatsiyalar vazirligining №349862 litsenziyasi asosida Yevropa standartlariga muvofiq “C” va “CE” toifali haydovchilarni o‘qitish hamda malakasini oshirishni amalga oshiradi.

Quyidagi yo‘nalishlar bo‘yicha o‘quv kurslarini tashkil etamiz: “Kod 95” va “ADR — Xavfli yuklarni tashish”. O‘qish yakunida haydovchilarga quyidagilar beriladi: qog‘oz ADR-sertifikatlari hamda haqiqiyligini tekshirish uchun QR-kodga ega plastik ID-kartalar.

Ta’lim jarayoni onlayn, oflayn hamda platforma orqali (uch tilda: ingliz, rus va o‘zbek) olib boriladi.

“Inter Auto Business School” MChJ mintaqadagi haydovchilarni tayyorlash bo‘yicha eng yirik markazlardan biri bo‘lib, O‘zbekistonda 4 ta filialga, Tojikistonda 2 ta filialga ega, shuningdek, Euro-6 standartidagi 7 ta zamonaviy transport vositasida amaliy mashg‘ulotlarni ham o‘tkazadi.

O‘quv markazimiz tomonidan beriladigan ADR-sertifikatlar Birlashgan Millatlar Tashkiloti (BMT)ning Yevropa iqtisodiy komissiyasi (UNECE) bo‘limida — xavfli yuklarni tashish bo‘yicha xalqaro talablarga bag‘ishlangan sahifada — rasmiy tarzda joylashtirilgan. Bu esa mazkur sertifikatlarning Yevropa va MDH mamlakatlarida tan olinishini ta’minlaydi.