Tajribali bojxona deklaranti kerak — Xitoy importi”

Urganch shahridagi korxonamizga Xitoydan keladigan yuklarni bojxona rasmiylashtiruvidan o‘tkazish bo‘yicha tajribali deklarant kerak.

Asosiy vazifalar:

* Xitoydan keladigan tovarlar hujjatlarini oldindan tekshirish
* Invoice, packing list, kontrakt va yuk hujjatlarini to‘g‘ri tayyorlash
* Tovar nomi, miqdori, narxi va boshqa ma’lumotlarda xato bo‘lmasligini nazorat qilish
* Bojxona deklaratsiyasini tayyorlash va rasmiylashtirish
* Tovar kodlarini to‘g‘ri aniqlash bo‘yicha ishlash
* Bojxona to‘lovlari va rasmiylashtirish xarajatlarini oldindan hisoblash
* Yetishmayotgan sertifikat yoki ruxsat hujjatlarini oldindan aniqlash
* Xitoydagi yetkazib beruvchiga qaysi hujjatni qanday tayyorlash kerakligini aniq tushuntirish
* Yuk O‘zbekistonga kelishidan oldin hujjatlarni to‘liq tayyor holatga keltirish
* Bojxona organlari, brokerlar, logistika kompaniyalari va sertifikatlash tashkilotlari bilan ishlash
* Yukning bojxonada ortiqcha ushlanib qolishining oldini olish

Bizga qanday mutaxassis kerak:

* Import va bojxona rasmiylashtiruvi bo‘yicha amaliy tajribasi bor
* Xitoydan keladigan yuklar bilan ishlagan bo‘lsa ustunlik
* Turli xil texnika, ehtiyot qismlar va uskunalar bilan ishlash tajribasi bo‘lsa yaxshi
* Hujjatlarda juda e’tiborli va mas’uliyatli
* Muammoni oldindan ko‘ra oladigan
* Bojxona jarayonini boshidan oxirigacha olib bora oladigan

Biz uchun eng muhim natija:
Yuk jo‘natilishidan oldin barcha hujjatlar tekshirilgan bo‘lishi va yuk O‘zbekistonga kelganda bojxonada hujjat xatosi sababli muammo chiqmasligi.

Ish joyi: Urganch shahri
Ish vaqti: 09:00–18:00
Maosh: tajriba va malakaga qarab kelishiladi

Murojaat qilganda rezyume bilan birga quyidagilarni yozib yuboring:

* Necha yil deklarant bo‘lib ishlagansiz?
* Xitoydan import bilan ishlaganmisiz?
* Qanday turdagi mahsulotlarni rasmiylashtirgansiz?
* Oyiga taxminan nechta deklaratsiya bilan ishlagansiz?
* Oldingi ish joyingiz va asosiy vazifangiz nima bo‘lgan?

Faqat amaliy tajribaga ega mutaxassislar murojaat qilsin.