"Норчонтол" ва “ASN Trees” кўчатчилик хўжаликлари. "Норчонтол" фермер хўжалиги 2002-йилда Тошкент вилоятининг Паркент туманида ташкил этилган. 2006-йилдан буён асосан мевали боғлар учун кўчат етиштириш билан шуғулланиб келмоқда. Ҳозирги кунда хўжаликнинг умумий ер майдони 58 гектарни ташкил қилиб, шундан 37 гектарида мевали дарахтлар кўчатлари етиштирилади. 2020-йилда Юқоричирчиқ туманида кўчатхонанинг янги 50 гектарлик филиали иш бошлади. Хўжаликнинг асосий мақсади ва йўналиши замонавий интенсив боғлар ва токзорларни юқори сифатли кўчатлар билан таъминлашдан иборатдир. Кўчатхонада Ўзбекистон иқлим шароитига мослашган мевали дарахтлар ва узумнинг янги истиқболли навларини кўпайтириш тизими йўлга қўйилган. Асосий навларни танлашда касаллик ва зараркунандаларга ҳамда маҳаллий иқлим шароитига чидамлилиги ҳисобга олинади. Айни пайтда хўжалик ўз-ўзини чанглата оладиган гилос, ўрик ва бодомнинг янги навларини кўпайтириш устида фаол иш олиб бормоқда. Кўчатхона қуйидаги мевали кўчатларни клон ва уруғ пайвандтагларида таклиф қилади: олма, нок, беҳи, гилос, шафтоли, ўрик, олхўри, писта, бодом, ёнғоқ ва узум. Хўжаликда 1 йилда 500.000 дан ортиқ мевали дарахтлар ва узум кўчатлари етиштирилади. Ҳозирги кунда "Норчонтол" фермер хўжалиги ўз маҳсулотларини Ўзбекистоннинг барча ҳудудларига етказиб бермоқда. Бундан ташқари, хўжалик ўз кўчатларини Тожикистон, Қирғизистон, Туркманистон ва Қозоғистон каби қўшни республикаларига ҳам экспорт қилади. Фермер хўжалиги асосчиларидан бири Шуҳрат Аброров АҚШ нинг Калифорния штатидаги замонавий боғларда малака ошириб келган бўлиб, бугунги кунда ўзининг бой тажрибаси ва билимини кўчатчилик соҳасида фаол татбиқ этмоқда. Нав ва пайвандтагларнинг сифатини назорат қилиш мақсадида хўжалик томонидан Паркент туманида мевали дарахтларнинг пайвандагларини етиштириш учун бир нечта оналик боғлари ташкил этилган. Мева дарахтларини етиштириш саноатини янги босқичга олиб чиқиш мақсадида 2017-йилда хўжалик Ўзбекистонда синаш учун Испаниядан шафтоли, гилос ва бодомнинг 10 дан ортиқ истиқболли навлари келтирилди. "Норчонтол" фермер хўжалиги кўчатларнинг ўз вақтида ва сифатли етказиб берилиши ва экилишини кафолатлайди.