Ushbu innovatsion svetoforning oʻrnatilishi piyoda, ayniqsa, bolalarning yoʻllardagi xavfsizligini taʼminlashga xizmat qiladi. Yoʻlakchaga kelishingiz bilan sensor moslama ishga tushadi va avtomobillar uchun qizil chiroq yonadi. Bu texnologiyada inson omili ishtirok etmaydi.

Shahardagi ayrim joylarda piyodalar oʻtish joyi tugmalar orqali boshqarilishini koʻrish mumkin. Bu ayrim fuqarolar tomonidan tugmalar doimiy bosib turilishi yoki faqat yashil chiroq yonib turishi uchun tugmachani bogʻlab qoʻyish holatlari kuzatilmoqda. Innovatsion svetofor esa sensor orqali boshqariladi. Piyodalar oʻtish yoʻl belgilari ham LED lampalari orqali yoritiladi.

Mazkur svetofor kunduzi quyoshdan quvvat oladi. Olgan quvvati tun boʻyi bemalol yetadi. Bundan tashqari, qoʻshimcha oʻrnatilgan chiroqlar haydovchilarni hushyorlikka chorlaydi. Bu esa piyodalar ishtirokidagi turli xil xavf-xatarlarning oldini olishga yordam beradi.

Mutaxassislarning aytishicha, kelgusida mazkur loyihani aholi gavjum joylarga keng tatbiq etish koʻzda tutilmoqda, deya xabar bermoqda OʻzA.